Градоначалникот на Општина Ѓорче Петров, Александар Стојкоски утрово информираше дека на улицата „Воин Драшкоци“ во Хром е поставена сигнализација за „Зона 30“. „Поставивме сообраќајна сигнализација за „Зона 30“, со ограничување на брзината на 30 километри на час. Целта е поголема безбедност за сите учесници во сообраќајот, особено за децата, пешаците и велосипедистите“, истакна Стојкоски.
Градоначалникот на Општина Ѓорче Петров, Александар Стојкоски, информираше дека на улицата „Воин Драшкоци“ во населбата Хром навреме бил откриен и отстранет сериозен проблем во канализацискиот колектор. Според неговата објава, од системот биле извадени теписи, черги, остатоци од влажни марамчиња, облека, завеси, пуцвал и работна облека.
Апелираме до граѓаните да не фрлаат отпад во канализациските шахти, туку да го одлагаат на соодветни места, порачуваат од претпријатието „Водовод и канализација“ и додаваат дека ова е втор пат за помалку од една недела како вадат разновидно ѓубре од канализацијата на улицата Воин Драшкоци во Хром.
